diabetes

எடை குறைய வேணுமா ? 10 கட்டளைகள்

2009-03-08T04:14:00.000-07:00

ஏற்கனவே உடற்பயிற்சி ,காலோரிஸ் , பத்தி நிறையவே தெரிந்து இருக்கும்.ஆனா அதில் நீங்கள் அதிகம் கவனம் செலுத்த வேண்டிய பத்து

விஷயம் தான் நான் சொல்ல வருகிறேன்.
1, நம்ப சாப்பிடும் உணவின் அளவும் காலோரிஸ் அளவும் சரி சமமாக இருக்கவேண்டும்.உதாரணத்திருக்கு உடம்பை குறைப்பதாக எண்ணி கொண்டு குறைவான உணவை உட்கொண்டால் மிண்டும் மிண்டும் பசி எடுக்கும் இதனால் தேவை இல்லாமல் உடம்பில் காலோரிஸ் தான் அதிகமாகும், இதனால் நாம் உட்கொள்ளும் உணவு முறையை மாற்றி அமைக்க வேண்டும். சாதம் அல்லது கோதுமை ஒரு பங்கு, அசைவ வகைகள் ஒரு பங்கு, பருப்பு வகைகள் ஒரு பங்கு,கிரை வகைகள் ஒரு பங்கு இவைகளை சரி சமமாக பிரித்து உண்ண வேண்டும்.
2.ஒரு நாளைக்கு 5 நிமிடமாவது நடந்தால் 100 கலோரி குறைக்கிறது. நடக்கிறது தான் இருக்கிறதிலையே சிறந்தது.
3.அதிகமாக,அல்லது குறைவாக தூங்கினாலும் இன்சுலின் அதிகமாக சுரக்கிறது ,இதனால் அதிகம் பசி எடுக்க வாய்ப்புள்ளது.

4.காபி,டீ,ஜுஸ்,அதிகம் குடிப்பதாலும் எடை கூடும்.
5.உடற் பயற்சி தொடர்ந்து செயவேண்டும் பாதியில் விட்டால் எடை கூடும்
6.காலை உணவை நிறைவாக சாப்பிடவும்,இரவு உணவை குறைவாக சாப்பிடவும்.
7.டி வி பார்த்து கொண்டு அல்லது பேசி கொண்டு சாப்பிடுவதை தவிர்க்கவும் 8.வறுத்த,பொறித்த மற்றும் துரித உணவை தவிர்க்கவும்
9.மன இருக்கத்தை தவிர்க்கவும்.
10.கண்ட கண்ட நேரத்தில் சாப்பிடுவதை தவிர்க்கவும்

நீரிழிவும் கால் பாதிப்பும்

2009-03-08T03:30:00.000-07:00

வருஷக் கணக்கா சக்கரை நோவுல இருக்கிறவங்க கண்டிப்பா கால்களை கொஞ்சம் கவனமாப் பார்த்துக்கோங்க .கால் ள நரம்பு சேதம்.ரத்த ஓட்டத் தடை,மதமதப்பு, சுருக்குன்னு குத்தல் வலி இதெல்லாம் வரும். இத கண்டுக்காம

விட்டுட்டா .... கொஞ்சம் இந்த படங்களைப் பாருங்க .....

இதற்கெல்லாம் சரியான மருத்துவ சிகிட்சையை நம்ம டாக்டர் கண்டிப்பா கைவசம் வெச்சிருக்கார் . தொடர்ந்து கவனிங்க சார் ப்ளீஸ் ....

மொதல்ல டாக்டர் சொல்றபடி சர்க்கரை அளவை கட்டுப்பாட்டில் வைங்க சார்.

அவரு சொல்றபடி நடந்த நாம ரெண்டு காலோட நடக்கலாம்.

"க்ளைசமிக் இன்டக்ஸ் '"என்றால் என்ன?

2009-03-06T03:01:00.000-08:00

நாம் சாப்பிடும் உணவுப் பண்டம் அல்லது இனிப்புக்கு ஏற்ப ரத்தத்தில் சர்கரி அளவு உயருவது இயல்பானது. இதனால் தான் சாப்பிடவுடன் உற்சாகம் தெம்பு கிடைக்கிறது.ஆனால் சர்க்கரை நோயாளிகளுக்கு இயல்பாகவே ரத்தத்தில் சர்க்கரை அளவு அதிகமாக இருக்கும்.அது மேலும் அதிகரிக்காமல் பார்த்துக் கொள்ளும் வகையில் உணவு இனிப்பு விஷயத்தில் கவனமாக இருக்க வேண்டியுள்ளது.இதைக் கருத்தில் கொண்டே சர்க்கரை நோய் மருத்துவத்தில் "க்ளைசமிக் இன்டக்ஸ்" என்ற உணவு ஒப்பீட்டு அட்டவணையை நிபுணர்கள் உருவாக்கியுள்ளனர்.
அதாவது, ஏற்கெனவே ரதத்தில் உள்ள சர்க்கரை அளவோடு நாம் சாப்பிடும் உணவுப் பொருட்களால் அதிகமாகும் சர்க்கரை அளவே க்ளைசமிக் இன்டக்ஸ் ஆகும்.
உதாரணமாக் ஒருவருக்கு ரத்தத்தில் சர்க்கரை அளவு நூறு கிராம் உள்ள நிலையில் ,அவர் நூறு கிராம் க்ளுகோஸ் சாப்பிட்டால் என்ன ஆகும்?ரத்த சர்க்கரை அளவு மொத்தம் இருநூறு மி.கி.யாக உடனடியாக உயரும்.அதே நபர் சர்கரைப் பாகைக் கொண்டு தயாரிக்கப்படும் ஒரு க்லோப்ஜாமூனைச் சாப்பிட்டால், ரத்த சர்க்கரை அளவு முன்னூறு மி.கி.யாக உயரும். இவையெல்லாம் நல்லது அல்ல. மாறாக அதே நபர் நூறு கிராம் கொண்டைகடலையைச் சாப்பிட்டால் , ரத்த சர்க்கரை அளவு நாற்பது மி.கி. மட்டுமே உயரும்.அதாவது ,ஏற்கெனவே ரத்தத்தில் உள்ள அளவுடன் (நூறு மி.கி.)இதையும் சேர்த்தால் மொத்தம் 140 மி.கி.மட்டுமே உயரும்.இப்போது புரிகிறதா க்ளைசமிக் இந்ட்ஸ்யன் சூட்சுமம்.
குளிர்பானங்கள் வேண்டாம்.தாகம் எடுக்கும் நிலையில் கூட பானங்கள் தேர்வு செய்யும்போது சர்க்கரை நோயாளிகள் கவனமாக இருக்க வேண்டும்.ஏற்கெனவே உள்ள அளவுடன் ரத்த சர்க்கரை அளவை ஐம்பது மில்லிகிராமுக்கும் குறைவாக அதிகரிக்கும் பானங்களையே சர்க்கரை நோயாளிகள் சாப்பிடுவது நல்லது. அதாவது முப்பது மி.கி. மட்டுமே ரத்த சர்க்கரை அளவை அதிகரிக்கும் உப்பு போட்ட எலுமிச்சை சாறு ,தக்காளிச் சாறு,மற்றும் இளநீர், நீர்த்த மோர் ஆகியவற்றைச் சாப்பிடலாம்.

இன்சுலினைப் பாதுகாக்கவும்.....

2009-03-06T02:51:00.000-08:00

ஹோட்டலில் மனம் போன போக்கில் எண்ணெய்ப்பண்டங்களை சாப்பிடும் நிலையில், ரத்தச் சர்க்கரை அளவு-கொழுப்புச்சத்து அதிகரிக்கும்.பெரியவர்களுக்கு நாளொன்றுக்கு நாற்பது முதல் அறுபது யூனிட் வரை கணையத்தில் இன்சுலின் சுரக்கிறது.ரத்தத்தில் உள்ள சர்க்கரையை ஆற்றலாக மாற்றும் இன்சுலின் தொடர்ந்து இயற்கையாய் நமக்கு கிடைக்குமாறு பார்த்துக்கொள்வது அவசியம். உதாரணமாக நான்கு இட்லியை ஒருவர் சாப்பிடும் நிலையில் ரத்த சர்க்கரை அளவு அற்பது மில்லி கிராம் மட்டுமே ஏறும் .இதற்க்கு இரண்டு யூனிட் இன்சுலின் மட்டுமே காலியாகும்.காபி,டீ-கு குறைவான சர்க்கரையைப் பயன்படுத்துவது நல்லது.இவ்வாறு உணவை தேர்வு செய்து தொடர்ந்து ஒருவர் சாப்பிடும் நிலையில் கணையத்தில் 'ரிசர்வில்'உள்ளஇன்சுலினை தொடர்ந்து காத்து சர்க்கரை நோய் வராமல் பார்த்துக் கொள்ள முடியும்.

நொறுக்குத் தீனி வேண்டாமே ப்ளீஸ் ...

2009-03-06T02:40:00.000-08:00

எப்போதாவது நொறுக்குத்தீனி சாப்பிடுவதில் தவறில்லை . ஆனால் காலையில் ஒன்றும் சாப்பிடாமல் அலுவலகத்துக்குச் சென்று தினமும் வடை,சிப்ஸ்,சமோசா என்று சாப்பிடுவது தவறு.மாலையிலும் இதே கதைதான். இதனால் ஓசையின்றி கொழுப்பு உடலில் சேரும் உடல் பருமனாகும். ரத்தக் குழாய்கள் சுருங்கி ரத்த ஓட்டம் தடைபடும்.ஹோட்டல்களில் சாப்பிடுவதால் எண்ணெய் ,காரம்,உப்பு அனைத்தும் அதிகம் சேருவதால் பல பின் விளைவுகளை சந்திக்க நேரிடுகிறது.சர்க்கரை நோய் தெரிந்தவுடன் தவறாமல் முறையாக குறித்த நேரத்தில் உணவு (மருத்துவர் பரிந்துரைத்த அளவு )உன்ன வேண்டும்.

குளியல் பொடி

2009-01-28T00:12:00.000-08:00

நான் என்னுடைய தோலைப் பராமரிப்பதில் மிகுந்த அக்கறை காட்டுவேன். ஏனெனில் வியாதி உள்ளுக்குள் இருந்தாலும் நம் புறத்தோற்றம் மற்றவர்கள் வெறுக்கும்படியாக இருக்கக்கூடாது என்பதில் எப்போதும் எச்சரிக்கையுடன் இருப்பேன்.
பொதுவாகவே சர்க்கரை நோய் கண்டவுடன் , கட்டுப்பாட்டில் இருந்தாலும் ,சீதோஷ்ண மாற்றங்களும் மற்றவர்களைவிட சர்க்கரை நோயாளிகளை அதிகம் பாதிக்கும்.
சர்க்கரை நோய் கட்டுப்பாடில்லாதபோது , கை,கால்களில்,படை,இயல்பான நிறம் கருத்துப்போவது,தோலில்வெடிப்பு மற்றும் கட்டிகள் ஏற்படுவது போன்ற தொந்தரவுகள் உண்டாகும். அதற்க்கு ஒரு குளியல் பொடி நீங்களே தயார் செய்து கொள்ளுங்கள்.
சந்தனச்சீவல்-நூறு கிராம்
கஸ்தூரி மஞ்சள்-நூறுகிராம்
வேப்பிலை-நூறு கிராம்
கடுக்காய்-நூறுகிராம்
வெள்ளை மிளகு-ஐம்பது கிராம்
கிச்சிலிக் கிழங்கு-நூறு கிராம்
ஆவாரம்பூ-நூறு கிராம்
துளசி-நூறு கிராம்
பரந்கிப்பட்டை-நூறு கிராம்
கடலைப் பருப்பு-அரைக் கிலோ
பச்சை பயறு-அரைக் கிலோ
இவையனைத்தும் ஒன்று கூட்டி அரைத்துத் தூளாக்கவும்
தேவையான அளவுப் பொடியை சூடான பாலில் கலந்து , தேய்த்துக் குளிக்க தோல் நோய்கள் தீர்ந்து மேனி பளபளப்பாக மாறும்.
கண்டிப்பா ட்ரை பண்ணுங்களேன் .........ப்ளீஸ் உங்கக் கருத்துகளை எனக்கு பரிமாறுங்கள்

சர்க்கரை நோயும் செக்ஸ் குறைபாடும்

2009-01-27T23:57:00.001-08:00

சர்க்கரை நோய் வந்தாலே உடம்பு முழுவதும் ஏதேனும் பிரச்சினை ஏற்பட்டுக் கொண்டே இருக்கும். அதிலும் முக்கியமாக செக்ஸ் குறைபாடு மனதை வெகுவாகவே பாதிக்கும்.சர்க்கரை நோயின் தாக்கத்தால் நரம்பு சீர்கேடடைந்து ,சோர்வடைந்து,பிற அவயங்களுக்கு இரத்த ஓட்டம் செல்வதில் தடைஎற்பட்டு, பலகீனமான தன்மையை பெற்று விடுகின்றனர். இதனால் அவர்களுடைய செக்ஸ் குறைபாடு தவிர்க்க முடியாத ஒன்றாக ஆகிவிடுகிறது.
என்னதான் மனதளவில் செக்சில் ஈடுபட விரும்பினாலும்,செயல்படும் தன்மை குறைந்து விடுகிறது. மேலும் விந்தணு குறைபாடு,உறவில் திருப்தியின்மை ஏற்படுகிறது.
கண்டிப்பாக இந்த பிரட்சினைகளை முறையாக டாக்டரிடம் சென்று மருத்துவம் செய்து கொள்வது நல்லது. வெளியே சொல்ல சங்கடப் பட்டு கொண்டு கண்ட மருந்துகளையும் ,உடல் இட்சையைத் தூண்டும் லேகியங்களையும் சாப்பிட்டு உள்ளதும் போச்சு நொள்ளக் கண்ணா ....ஆயிராதீங்க!
ஏனெனில் உடல் இட்சையைத் தூண்டும் மருந்துகள் பெரும்பாலும் இரத்த ஓட்டத்தை அதிகப் படுத்தி நரம்பு சோர்வைப் போக்க முற்படுபவை . சர்கரையோடு இரத்தகொதிப்பையும் உண்டாக்க இந்த மருந்துகள் காரணமாக் அமைந்து விடும்.
செக்ஸ் குறைபாட்டுக்கு மருந்து எடுத்துக்கொள்ளுமுன்,கல்லீரல்,சிறுநீரகம்,கொழுப்பின் அளவுகளை நவீன மருத்துவத்தின் மூலமாக பரிசோதித்து அதன்பின் மருத்துவம் செய்வது நல்லது.

பூண்டு ரசம்

2009-01-27T23:40:00.000-08:00

பொதுவாகவே சர்க்கரை நோயாளிகளுக்கு வாயுத் தொல்லை ஏற்படுவது அடிக்கடி நிகழ்வதுதான். ஏனெனில் எனக்கு அந்தப் பிரச்சினை உள்ளது. இந்த பூண்டு ரசம் சாப்பிடுவதால் வாயுத் தொல்லை மட்டுமல்ல ,மூல நோயைக் கட்டுப் படுத்தும்.குடல் புற்று நோய் வராமல் பாதுகாக்கும்.
தேவைப்படும் பொருட்கள் :
வெள்ளைப் பூண்டு-பத்துப் பல்
மிளகு-அரை டீஸ்பூன்
சீரகம்-ஒன்றரை ஸ்பூன்
மிளகாய் வற்றல்-நான்கு
புளி- எலுமிசம்பழ் அளவு
பெருகாயப் பொடி-இரண்டு சிட்டிகை
உப்பு-தேவையானது
கடுகு,எண்ணெய்-தாளிக்க
கறிவேப்பிலை-கொஞ்சம்
செய்முறை:
வெள்ளைப் பூண்டு, சீராக, மிளகு, மிளகாய் வற்றல் இவற்றில் சிறிது தண்ணீர் தெளித்து மிக்சியிலிட்டு கரகரப்பாக அரைத்து எடுக்கவும்.
நான்கு டம்பளர் தண்ணீரில் புளியைப் போட்டு நன்கு கரைத்து சக்கையை அகற்றிவிட்டு , புளித்தண்ணீரை எடுத்து வைத்துக்கொள்ளவும்.
வாணலியில் புளிகரைசலை ஊற்றி ,பச்சை வாசனை போகும்வரை கொதிக்க விடவும்,
பின்னர் கரகரப்பாக அரைத்த பூண்டுக் கலவையை உப்பு சேர்த்து கொதிக்க வைக்கவும்.
நன்கு கொதித்ததும், பெருங்காயப் பொடி ,கடுகு போட்டுத் தாளித்து ,கறிவேப்பிலை போட்டு இறக்கவும்.
உணவே மருந்தாகும் பூண்டு ரசம் தயார்.

க்ளாகோமா ஒரு பரம்பரை நோயா?

2009-01-27T23:35:00.000-08:00

ஆமாம். சர்க்கரை நோயைப் போன்று இதுவும் ஒரு பரம்பரை நோய் . குடும்பத்தில் யாருக்காவது இந்நோய் இருக்கும் நிலையில் , மற்றவர்கள் ஆண்டுக்கு ஒருமுறை கண் மருத்துவப் பரிசோதனை செய்து கொள்வது அவசியம்.மேலும் 40 வயதை எட்டியவர்கள் ,சர்க்கரை நோயாளிகள்,கிட்டப் பார்வை, தூரப் பார்வை கோளாறு அதிகம் உள்ளவர்கள் ஆகியோர் கண் மருத்துவரிடம் சென்று கண் நீர் அழுத்தத்தைப் பரிசோதித்துக் கொள்வது அவசியம்.

'க்ளாகோமா' முக்கிய அறிகுறிகள் என்ன?

2009-01-27T23:32:00.001-08:00

பக்கவாட்டுப் பார்வை குறைந்து கொண்டே வருவது இந்த நோயின் முக்கிய அறிகுறியாகும்.

கண் நீர் அழுத்த நோய் எவ்வாறு ஏற்படுகிறது?

2009-01-27T23:24:00.000-08:00

விழி லென்ஸ் மற்றும் கண் பாவை (pupil) இரண்டும் கண்ணின் முன் பக்கத்தில் உள்ளன. அதன் பின் பகுதியில் விஜித்திரையும் பார்வை நரம்புத் தொகுப்பும் உள்ளன .லேசுக்கும் பாவிக்கும் இடையே ஒரு திரவம் கசிந்து(இது கண்ணீர் அல்ல)வெண்படலத்தில்(கார்னியா) உள்ள ரத்த நாளங்களின் மூலம் உடலின் ரத்தத்தில் கலந்து விடும். இவ்வாறு கண் திரவம் வெளியேறும் இடத்தில் அடைப்பு ஏற்பட்டால் , திரவ வெளியேற்றம் தடைப் பட்டு கண்ணுக்குள் அழுத்தம் அதிகமாகும். இதுவே க்ளாகோமா.
ஒரு கண்ணின் இயல்பான கண் நீர் அழுத்த அளவு 18 எம் எம் எச் ஜி .

சர்க்கரை நோய் காரணமாக விழித்திரையில் ஒசியின்றி எவ்வாறு பாதிப்பு ஆரம்பமாகிறது?

2009-01-27T23:14:00.001-08:00

ரத்த சர்க்கரை அளவு இயல்பானதைவிட அதிகரித்துக்கொண்டே செல்லும்போது , பார்வைக்கு முக்கியப் பகுதியாக விளங்கும் விழித்திரையில் உள்ள சிறு சிறு ரத்தக் குழாய்களில் கோசம் கொஞ்சமாக பாதிப்பு ஆரம்பிக்கும். விஜித்திரைக்கும் செல்லும் ஆக்சிஜென் சப்ளையில் பாதிப்பு ஏற்படும். விழித்திரையின் பிரதானப் பகுதியான' மாகுலாவில் ' (நம்ம பார்க்கும் பொருள்களின் பிம்பங்கள் விழித்திரையில் பதியும் இடத்துக்கு 'மாகுளா' என்று பெயர்.) சிவப்பு ,வெள்ளை புள்ளிகள் ஏற்பட ஆரம்பிக்கும்.இவ்வாறு கண்ணுக்குள் பாதிப்பு ஏற்பட்டிருந்தாலும் ,வெளியில் எவ்வித அறிகுறியும் தெரியாது. சர்க்கரை நோய் கட்டுபாடில்லாது நோய் தீவிரமடையும் போது ,விழித்திரையில் சிறு சிறு ரத்தக் குழாய்களில் கசிவு ஏற்பட ஆரம்பிக்கும். புதிய ரத்தக் குழாய்கள் தொடர ஆரம்பிக்கும். இது நமக்குத் தேவைதானா?

சர்க்கரை நோயாளிகளே ப்ளீஸ் .... கண் டாக்டரிடம் போக மறந்துடாதீங்க....

2009-01-27T22:52:00.000-08:00

விழி வெண்படலம் (கார்னியா)
விழி லென்ஸ் ,விழித் திரை (ரெட்டினா)
இது கண்ணின் மிக முக்கியமான பாகங்கள்.ஒருவரின் ரத்த சர்க்கரை அளவு (இயல்பான ரத்த சர்க்கரை அளவுகள் :வெறும் வயிற்றில்- 110 மி.கி.க்கு குறைவாக, சாப்பிட்டு ஒன்றரை மணி நேரம் கழித்து-140 மி.கி.க்கு குறைவாக இருக்க வேண்டும்)அதிகரிக்கும் நிலையில் கண்ணைப் பொறுத்த வரை விழித்திரையில் பாதிப்பு ஏற்பட ஆரம்பிக்கும்.
ஒருவர் சர்க்கரை நோயைக் கண்டுகொள்ளாமல் அலட்சியமாக இருக்கும் நிலையில் விழித்திரையில் பாதிப்பின் தீவிரம் ஓசையின்றி அதிகரித்துக்கொண்டே போய் இறுதியில் பார்வையே பறிபோய்விடும் . எனவே சர்க்கரை நோய் இருப்பது தெரிந்த உடனேயே கண் டாக்டரிடம் சென்று விழித்திரையை பரிசோதனை செய்து கொள்வது அவசியம். மேலும் ஆய்ட்காலம் முழுவதும் ஆறு மாதத்திற்கு ஒரு முறை தங்கள் கண்களை பரிசோதித்துக் கொள்ள தவறக்கூடாது.
இதுபோன்று பார்வையைப் பறிக்கும் கண் நீர் அழுத்த நோய் (க்ளாகொமா) தாக்காமல் இருக்கவும் முன்னெச்சரிக்கை அவசியம். ஏனெனில் கண் நீர் அழுத்த நோய் காரணமாக பார்வை நரம்புகள் பலவீனமாகி பக்கவாட்டுப் பார்வை கொஞ்சம் கொஞ்சமாக மங்கலாகும்; இந் நோய் இருப்பதைத் தாமதமாக கண்டுபிடிக்கும் நிலையில் பார்வை இழப்பைத் தடுக்க முடியாது. அதே நேரத்தில் முன்கூட்டியே இந்நோய் கண்டிபிடிக்கும் தருணத்தில் தினமும் சொட்டு மருந்து போட்டு பார்வை இழப்பை தடுத்து நிறுத்தலாம். சர்க்கரை நோய் போன்று இதுவும் ஒரு ஆயுட்கால நோய் என்பதால் தொடர் சிகிட்சை அவசியம். இந்நோய் உள்ளவர்கள் கண்டிப்பாக ஆறு மாதத்திற்கு ஒரு முறை டாக்டரிடம் செல்லவேண்டும்.

கலவை சாலட்

2009-01-27T00:42:00.000-08:00

தக்காளி ஒன்று
குடமிளகாய் அரை
கேரட்-ஒன்று
கீரை சிறிதளவு
முட்டைகோஸ்-சிறிதளவு
வெள்ளரிக்காய்-கால்துண்டு
எண்ணெய்-ஒரு டி ஸ்பூன்
உப்பு-ருசிக்கேற்ப
வினிகர்-ஒரு டீஸ்பூன்
மிளகுத்தூள்-ஒரு சிட்டிகை
எலுமிச்சை ஜூஸ்-சிலதுளிகள்
செய்முறை:
காய்கறிகளை மெல்லிய நீள துண்டுகளாக நறுக்கி, பிரிட்ஜில் வைக்கவும்.ஒரு டீஸ்பூன் எண்ணெய்,இரண்டு டீஸ்பூன் வினிகர்,உப்பு,மிளகுத்தூள்,எலுமிச்சை ஜூஸ்,ஆகியவற்றை சேர்க்கவும்.பெரிய அகலமான பாத்திரத்தில் அவற்றைப் போட்டு மரக்கரண்டியால் கிளறவும்.
குளிர்ச்சியாக பரிமாறவும்.
இதிலுள்ள கலோரி -70.

இதோ 1400 கலோரி சர்க்கரை நோய் உணவு முறை உங்களுக்காக.....

2009-01-26T23:59:00.000-08:00

நேரம் உணவுவகை
அதிகாலை ஆறு மணிக்கு காபி ஒரு கப்
சர்க்கரை இல்லாமல்

காலி உணவு எட்டு மணிக்கு தோசை இரண்டு
புதினா சட்னி ஒரு ஸ்பூன்
சாம்பார் ஒரு கப்

காலை பத்தரை மணிக்கு மோர் ஒரு கப்
வெள்ளரிக்காய்
அல்லது தக்காளி சாலட்

மதிய உணவு 12.30-1.30 மணிக்கு சாதம் ஒன்றரை கப்
முருங்கைக்காய் சாம்பார்
ரசம் அறை கப்
கீரை மசியல் ஒரு கப்
வெண்டைக்காய்
ஆடை நீக்கிய தயிர் ஒரு கப்
முழுக்கடலை ஒரு கப்

மாலை 3.30-4.00 பெசரட்டு ஒன்று
தக்காளி சட்னி
காபி (சர்க்கரை இல்லாமல்)

இரவு நேர உணவு 8 மணிக்கு சப்பாத்தி மூன்று
பருப்பு முக்கால் கப்
கோவைக்காய் பொரியல்
ஆடை நீக்கிய தயிர்

படுக்கும் முன் ஆடை நீக்கிய பால்
(சர்க்கரை இல்லாமல் ஒரு கப்)
குறிப்பு: சமையல் எண்ணெய் :பத்து கிராம் /இரண்டு டீஸ்பூன்-தினம்(நல்லெண்ணெய்/கடலெண்ணை/சூரியகாந்தி எண்ணெய் /கடுகு எண்ணெய்)ஒரு கப் என்பது 120மில்லி
ஒரு கட்டோரி என்பது 150மில்லி

சேர்த்துக் கொள்ள வேண்டிய , தவிர்க்க வேண்டிய உணவுப் பொருட்கள்

2009-01-26T23:51:00.000-08:00

சேர்த்துக் கொள்ள வேண்டிய அசைவ உணவுகள்
முட்டை(வெள்ளைக்கரு மட்டும்),மீன்,கோழிக்கறி,ஆட்டுக்கறி(எப்போதாவது ,கொழுப்பு நீக்கியது),
தவிர்க்க வேண்டிய உணவுப் பொருட்கள்
எல்லா வகை கிழங்கு வகைகளும்
எல்லா வகை இனிப்பு வகைகளும்
ஹார்லிக்ஸ்,
போர்ன்விட்டா
லிம்கா
கோகோ கோலா
வெண்ணை
டால்டா
தேங்காய் எண்ணெய்
எண்ணெய் அதிகமாக உள்ள ஊறுகாய்கள்
பேரீச்சம்பழம் போன்ற உலர்ந்த வகைகள்.முந்திரி,பாதாம்,பிஸ்தா
மாம்பழம்
பலாப்பழம்
வாழைப் பழம்
சப்போட்டா
இறைச்சி வகைகளில் கல்லீரல்,மூளை
மது வகைகள்,புகையிலை

தாராளமாக சாப்பிடக்கூடிய உணவு வகைகள் என்னென்ன ?

2009-01-26T23:45:00.001-08:00

அனைத்து காய்கறிகளும் (கிழங்கு வகைகள்,பீட்ரூட்,தேங்காய் நீங்கலாக)
அனைத்து கீரை வகைகள்
சோடா,நீர்,மோர்,சர்க்கரை போடாத பால் அல்லது காபி, தேநீர் மற்றும் சூப் வகைகள்.
சர்க்கரை போடாத எலுமிச்சை மற்றும் தக்காளி ரசம்.
சாப்பாடு நேரம் நீங்கலாக மாற்ற நேரத்தில் பசியை அடக்க, மோர்,தக்காளி ஜூஸ்,வெஜிடபிள் சாலட் ,அனுமதிக்கப்பட்ட பழ வகைகளில் எதாவது ஒன்று.

தினமும் நீங்கள் பயன்படுத்தும் உணவுப் பொருள்களின் கலோரி அளவுகள் இதோ....

2009-01-26T22:56:00.000-08:00

தானியம்/தானியம் சார்ந்த உணவுப் பொருள்கள்(100 கிராம் அளவுக்கு உள்ள கலோரி )
அரிசி (பச்சை அரிசி)- 345 கலோரி
புழுங்கல் அரிசி - 325 கலோரி
வேகவைத்த அரிசி (சோறு)- 100 கலோரி
இட்லி- 65 கலோரி
பொங்கல் - 220 கலோரி
அடை- 140கலோரி
புட்டு- 280கலோரி
இடியாப்பம்- 260கலோரி
ஊத்தாப்பம்- 250கலோரி
கோதுமை மாவு (100கிராம்)- 341கலோரி
சப்பாத்தி-1 (35கிராம்)- 119கலோரி
பரோட்டா- 215கலோரி
பூரி3- 240கலோரி
ரவா ஆப்பம்- 318கலோரி
ரவா புட்டு- 56கலோரி
பிரட் துண்டு-1- 60கலோரி
பன்- 280கலோரி
கேழ்வரகு- 328கலோரி
சோளமாவு- 355கலோரி
பாப்கார்ன் (50கிராம் )- 170கலோரி
தோசை-1- 130கலோரி
பருப்பு வகைகள்
கடலை (வறுத்தது)- 369கலோரி
உளுந்து- 347கலோரி
பயறு- 334கலோரி
காராமணி- 343கலோரி
சோயாபீன்- 432கலோரி
வேகவைத்த பருப்பு- 92-145கலோரி
ரசம் (1 கப்) - 12கலோரி
சாம்பார் (அரை கப் )- 105கலோரி
காய் கறி/கீரைகள்
முட்டைக் கோஸ்- 45கலோரி
முளைக்கீரை- 45கலோரி
முள்ளங்கி கீரை- 28kalori
பூசணி- 25கலோரி
பாகற்காய்- 25 கலோரி
சுரைக்காய்- 12கலோரி
கத்தரிக்காய்- 24கலோரி
காலிபிளவர்- 30கலோரி
ஏலக்காய்- 229கலோரி
பச்சை மிளகாய்- 29கலோரி
காய்ந்த milaga 246கலோரி
கொத்துமல்லி 288கலோரி
பீன்ஸ்- 26கலோரி
பூண்டு- 145கலோரி
இஞ்சி- 67கலோரி
வெண்டைக்காய் 35கலோரி
காளான்கள்- 42கலோரி
நெல்லிக்காய்- 58கலோரி
பட்டாணி- 93கலோரி
மிளகு- 304கலோரி
மஞ்சள்- 349கலோரி
உருளைகிழங்கு- 97 கலோரி
வள்ளிகிழங்கு- 120 கலோரி
மரவள்ளிகிழங்கு- 157 கலோரி

பழங்கள்
ஆப்பிள்- 56கலோரி
வாழைப்பழம்- 153கலோரி
பேரீச்சம்பழம்- 283காலோர்
கொய்யாபழம்- 66கலோரி
திராட்சை- 45கலோரி
மாம்பழம்- 50-80கலோரி
ஆரஞ்சு- 53கலோரி
பப்பாளி- 32கலோரி
அன்னாசி- 46கலோரி
மாதுளை- 77கலோரி
சப்போட்டா- 94கலோரி

தாழ் நிலைச் சர்க்கரை ,அதன் அறிகுறிகள் என்ன ?

2009-01-26T22:41:00.000-08:00

இரத்தத்தில் சர்கரையின் அளவு சாதாரண நிலைக்கு மிகவும் கீழே குறையும் போது தாழ் நிலைச் சர்க்கரை நிலை ஏற்படுகிறது. இது சாதாரணமாக வயிறு காலியாக இருக்கும் நேரங்களில் உண்டாகும். இதைப் பற்றி சர்க்கரை நோய்க்கான மாத்திரை, இன்சுலின் ஊசி போட்டுக்கொள்ளும் நோயாளிகள் அவசியம் தெரிந்து வைத்திருக்க வேண்டும்.
அறிகுறிகள்:
மிக அதிகமாக வேர்த்தல்
அதிக சோர்வு
மயக்கம்
தலைவலி
பார்வை மங்குதல்
மற்றும் உதடு மரத்தல்
உடனடியாக கவனிக்காவிட்டால்,நோயாளிகள் சுய நினைவை இழக்க நேரிடும்.கோமா போன்ற நிலையினை அடைய நேரிடும்.
உடனடியாக செய்ய வேண்டியவை: கீழ்கண்ட ஏதாவது சாப்பிடவும்.
*இரண்டு ஸ்பூன் சர்க்கரை அல்லது க்ளுகோஸ் அல்லது ஒரு க்ளாஸ் சர்க்கரை கலந்த காபி,டீ, பால் , பழச்சாறு ,அல்லது இரண்டு மிட்டாய் (சாக்லேட்)
*அடுத்த அறை மணி நேரத்திற்குள் திட உணவு எதாவது சாப்பிடவும்.
*மருத்துவரின் ஆலோசனைப்படி தங்கள் மருந்து மற்றும் இன்சுலின் அளவைக் குறைத்துக் கொள்ளவும்.

குழந்தைக்கு சர்க்கரை நோய் ஏற்பட்டு விட்டதை உறுதி செய்வது எப்படி?

2009-01-23T23:03:00.000-08:00

சர்க்கரை நோய் அறிகுறி உள்ள குழந்தைக்கு , சாப்பிட எதுவும் கொடுக்காமல் செய்யப்படும் ரத்தப் பரிசோதனையில் ரத்த சர்க்கரை அளவு 200 மில்லி கிராமுக்கு அதிகமாக இருந்தால் சர்க்கரை உள்ளதாக கொள்ளலாம். மேலும் இத்தகைய குழந்தைக்கு இன்சுலின் சுரப்பு அளவை நிர்ணயிக்கும் ரத்தப் பரிசோதனையும் உள்ளது.

குழந்தைக்கு சர்க்கரை நோய்--அறிகுறிகள் என்ன?

2009-01-23T22:59:00.000-08:00

அடிக்கடி சிறுநீர் கழித்தல்,
தண்ணீர் அதிகம் குடித்தல்
பசி அதிகம் எடுத்தல்
அதிகம் சாப்பிட்டும் உடல் எடை வேகமாக குறைதல்
அளவுக்கு அதிகமான சோர்வு ஆகிய அறிகுறிகள் இருந்தால் குழந்தையின் ரத்த சர்க்கரை அளவைப் பரிசோதித்துப் பார்ப்பது அவசியம்.

பெற்றோருக்குச் சர்க்கரை நோய் இருந்தால் ,குழந்தைகளுக்குப் பிறந்த உடனேயே சர்க்கரை நோய் வருமா?

2009-01-23T22:52:00.000-08:00

சர்க்கரை நோய் இரு வகைப்படும்.ரத்தத்தில் உள்ள சர்க்கரையை ஆற்றலாக மாற்றும் சக்தி கொண்ட இன்சுலின் சுரப்பு சுத்தமாக இல்லாமல் போகும் நிலைக்கு முதல் வகை சர்க்கரை நோய் என்று பெயர். இந்த வகை சர்க்கரை நோயால் பாதிக்கப்படுவோர் பெரும்பாலும் குழந்தைகள் ,பெற்றோருக்குச் சர்க்கரை நோய் இருப்பதால் இது போன்ற நிலை ஏற்படுவதாக கருத முடியாது. எனவே முதல் வகை சர்க்கரை நோய்க்கு பாரம்பரியத் தன்மை காரணம் கிடையாது .

கர்ப்ப காலத்தில் தாய்க்கு சர்க்கரை நோய் ஏற்பட காரணம் என்ன?

2009-01-23T22:19:00.000-08:00

ஒரு பெண் கர்ப்பம் தரித்த உடன் ,கர்ப்பப் பையில் கருக் குழந்தை தங்கி வளர்வதற்கு ஏதுவாக தாயின் உடலில் இயற்கையாகவே சில ஹார்மோன்கள் உற்பத்தியாகும்.இந்த ஹார்மோன்கள் ,கர்ப்ப காலத்தில் தாயின் ரத்தத்தில் sarkarai அளவை அதிகரிக்கும். இவ்வாறு அதிகரிக்கும் ரத்த சர்க்கரை அளவை ஈடுகொடுக்கும் வகையில் கணையத்திலிருந்து இன்சுலின் அதிகமாக உற்பத்தி யாகி ஆற்றலாக மாறும் .குழந்தையை தாய் பிரசவித்தவுடன்,ஹார்மோன் உற்பத்தி நின்று போய் , கர்ப்பகால ரத்த சர்க்கரை அளவு இயல்பானதாய் மாறிவிடும்.
இது இயல்பானதொரு நிகழ்வு. ஒரு தாய்க்கு கர்ப்ப காலத்தில் ரத்த சர்க்கரை அளவுக்கு ஈடாக இன்சுலின் உற்பத்தி ஆகாத நிலையில்,ரத்தத்தில் சக்கரை அளவு அதிகரிக்கும், அப்போதுதான் கருக்குழந்தைக்கு பிரச்சினை ஆரம்பிக்கும்.ரத்த சர்க்கரை அளவை பரிசோதனை செய்தால் ஒழிய ,குழந்தை பிறக்கும் வரை இந்தப் பிரச்சினை வெளியே தெரியாது.குறிப்பாக கர்ப்பிணிக்கு பெரும்பாலும் எவ்வித அறிகுறிகளும் வெளிப்படாது.

உளுத்துப் போன உடம்புக்கு உளுந்து சாதம்

2009-01-23T22:05:00.000-08:00

சர்க்கரை நோய் வந்தாலே உடம்பின் அனைத்து பாகங்களும் கெட ஆரம்பிக்கும் .
ஆகவே உளுத்துப்போன உடம்புக்கு உளுந்து தான் சிறந்தது.
உளுந்துப் பொடி சாதம் ஒரு சிறந்த உணவு
செய்முறை
அவள் ஒன்றிண்டாக பொடித்தது -ஒரு கப்
உளுந்தை முளைக்க வைத்து நன்றாய் காய வைத்து
ரவை போல் பொடித்தது-கால் கப்
தோல் நீக்கிய சுக்குத் தூள்-ஒரு டீஸ்பூன்
தோல் நீக்கிய பூண்டு-பத்து பற்கள்'
தேங்காய்ப்பூ-ஒரு கப்
உளுந்தைப் பொடியாக்கும் போதே பூண்டு பற்களையும் சேர்த்துப் பொடியாக்கவும். பின் மீதமுள்ள சாமான்களை எல்லாம் உளுந்தோடு சேர்த்து நன்றாக கலந்து விடவும்.பின் அதோடு உளுந்து கலவையை போட்டு நன்றாக் கிளறவும்.இந்தக் கலவைகளை ஒரு பாத்திரத்தில் போட்டு மூழ்கும் வரை தண்ணீர் ஊற்றி சிறிது நேரம் ஊற வைத்து சாப்பிடவும்.
சர்க்கரை நோய்க்கு மட்டுமல்ல முதுகு வலி ,இடுப்பு வலிக்கு மிகவும் நல்லது.

சர்க்கரை நோயாளிகள் பின்பற்றக் கூடிய உணவு முறைகள் என்ன ?

2009-01-20T23:25:00.000-08:00

டாக்டர் சி .கே .மாணிக்க வாசகம் அவர்களின் புத்தகத்தை ஒரு முறை படிக்க நேர்ந்தது. அவருடைய இந்த உணவு முறைகளெல்லாம் மிகப் பயனுள்ளதாக எனக்கு இன்றளவும் உள்ளது. நாம் அனைவரும் அவருடைய இந்த அற்புத 'என்றும் இளமை காக்கும் உணவு முறையை 'கட்டாயம் கடைபிடிக்க வேண்டும் என்பதே என் ஆவல்.
சர்க்கரை நோயாளிகள் அலோபதி ,மருந்துகளோடு இந்த உணவு முறையை ஒரு மாதம் வரை வழக்கம் போல் உபயோகிக்கலாம்.முப்பது நாட்களுக்குப் பிறகு மாத்திரைகளின் அளவைப் பாதியாகக் குறைத்து பின் முழுவதுமாக நிறுத்தி விட்டு ,தேவை ஏற்படும்போது மட்டும் மாத்திரைகளை எடுத்துக் கொள்ளலாம்.
இதோ உணவு முறை:காலை ஆறு மணிக்கு
காலை எழுந்தவுடன் சாதாரண நீர் தேவையான அளவு குடிக்கலாம். மேலும் மழைக்காலங்களில் மழை நீரை சேமித்து வடிகட்டியும் குடிக்கலாம்.
காலையில் எழுந்தவுடன் வாயில் இரண்டு தேக்கரண்டி நல்லெண்ணெய் அல்லது தேங்காய் எண்ணெய் விட்டு நன்றாக கொப்பளித்து துப்பி விடவும். இது நமது ஹார்மோன்களை தூண்டுகிறது. அதற்க்கு பிறகு பல் துலக்கி விடவும்.
இரண்டு அல்லது மூன்று வெண்டைக்காய்களை அரிந்து, இரண்டு டம்பளர் சாதாரண தண்ணீரில் இரவு முழுவதும் ஊறவைத்து காலையில் உணவுக்கு முன்னர் காய்களையும் அந்தத் தண்ணீரையும் குடிக்க வேண்டும்.
காலை 6.30 மணி முதல் 7.00 மணி வரை
காய், கீரை ,பட்டாணி வகைகளில் இருந்து ஏதேனும் ஒன்றில் சூப் தயார் செய்து குடிக்கலாம். அல்லது ராகி கஞ்சி,கோதுமைக் கஞ்சி, உளுத்தங்கஞ்சி, குடிக்கலாம். அல்லது இஞ்சி காபி,சுக்குக் காபி,கொத்துமல்லி காபி போன்றவற்றில் இருந்து ஏதேனும் ஒன்றை குடிக்கலாம். மேலும் இளநீர்,பழைய சாதா நீர்,மோர்,லெமன் ஜூஸ் குடிக்கலாம்.
காலை 8.00-9.00 மணிக்கு
காலை உணவாக பச்சையாக உட்கொள்ளும் பழங்கள், காய்கள்,சாலட் போன்றவற்றில் ஏதேனும் இரண்டு அல்லது மூன்று வகைகளை தேவையான அளவு உணவாக உட்கொள்ளலாம்.
தக்காளி,பப்பாளி,திராட்சை ,கொய்யா ,விளாம்பழம்,நாவல்.இலங்தபழ்ம் ,தர்பூசணி,மாதுளை, ஆரஞ்சு,மாம்பழம்.ஆப்பிள்,சப்போட்டா ,அன்னாசி,சாத்துக்குடி,நெல்லி,வெள்ளரிக்காய், கீரைக்காய்,கேரட்,வேண்டி,கோஸ்,போன்றவற்றை உட்கொள்ளலாம்.
சுரைக்காய்,கோஸ்,பீட்ரூட்,கேரட்,நூக்கல்,புடலங்காய்,வெள்ளரிக்காய் போன்ற துருவும் நிலையில் உள்ள ஏதேனும் இரண்டு காய்களை பொடியாக துருவி அல்லது நறுக்கி எடுத்து,தேங்காய் துருவல்,வெங்காயம்,கொத்துமல்லி,கறிவேப்பிலை,மிளகு,தக்காளி,சீரகத்தூள்,எலுமிச்சை பிழிந்து,கலந்து சாலட் தயார் செய்து முடியுமான அளவு உட்கொள்ளவும்,இவற்றை ஆரம்பத்தில் சாப்பிட சிறிது கஷ்டமாக இருக்கும்.பின்னர் பழ்க்கமாகிவிட்டால் நன்றாக இருக்கும். இவ்வாறான உணவினால் சிறுநீரகம்,இதயம்,கால்,கண்,போன்ற உயிர்காக்கும் உறுப்புகள் பாதுகாக்கபடுகின்றன. மேலும், இந்த உணவால்.நம் உடலில் இயற்கையாக இன்சுலின் அதிகம் உற்ப்பத்தி ஆகும்.தவிர இந்த உணவை ஜீரணம் செய்ய குறைவான இன்சுலின் போதுமானதாக இருக்கும்.மேலும் உடலுக்கு தேவையான அனைத்து சக்திகளும் கிடைக்கும். இவற்றை முடியுமானவரை தோலுடனும்,கைகளாகவோ,பழமாகவோ உட்கொள்ளவும். தோல் பகுதிகளில் தான் அதிகம்மான சக்தி படிந்திருக்கும்.
பகல் ஒரு மணிக்கு.....
பகல் உணவை சமைத்த சைவ உணவாக உட்கொள்ளவும். இவற்றில் மூன்றில் ஒரு பங்கு அளவு கீரையும,கைகளும், மீதி உணவாக இருக்குமாறு பார்த்துக்கொள்ள வேண்டும்.உணவில் ராகி, கோதுமை,கம்பு,மக்காச்சோளம்,அரிசி போன்ற எல்லா தானியங்களும் ஒரு வாரத்தில் மாற்றி மாற்றி உபயோகிக்க வேண்டும். மேலும் காராமணி பட்டாணி வகைகள்,முருங்கைக்காய்,கத்தரிக்காய்,கருணைக்கிழங்கு,பீன்ஸ்,கோஸ்,கேரட்,போன்றவற்றை அடிக்கடி உணவில் பயன் படுத்த வேண்டும்.
மாலை 5.00-6.00 மணிக்கு
மாலை வேளைகளில் தேவைப்பட்டால் சுண்டல் அல்லது மேலே குறிப்பிட்டுள்ள காலை எழுந்தவுடன் சாப்பிடும் சூப் வகைகளை உட்கொள்ளலாம்.
இரவு உணவை எழு அல்லது ஒன்பது மணிக்குள் முடித்து விட வேண்டும்.மேகும் சமைத்த சைவ உணவு உண்பதே நல்லது. பகல் உணவைப் போல்.
வாரத்தில் இரண்டு நாள் முள்ளங்கிச் சாரும் ,வாரத்தில் இரண்டு நாள் வாழைத்தண்டுச் சாரும் நூறு மில்லி தயார் செய்து காலை உணவுக்கு இரண்டு மணி நேரத்திற்குப் பிறகு உட்கொள்ள வேண்டும் .வாரத்தில் இரண்டு அல்லது மூன்று நாள் ,வேப்பிலை,முருங்கைகீரையை ஒரு கைப்பிடி அளவு எடுத்து இரண்டு டும்ப்ளர் தண்ணீர் ஊற்றி கொதிக்க வைத்து ,வடிகட்டி நூறு மில்லி அளவு காலை அல்லது மாலை உணவுக்கு ஒரு மணி நேரம் மும்பாக உட்கொள்ளவும்.
உணவுக்கு இடையில் சாப்பிடும், நொறுக்குத் ஹ்டீநிகளைத் தவிர்க்க வேண்டும் .
புகைத்தல் ,மதுவகைகள் ,புகையிலை,போடி போடுதல் முதலியன தவிர்க்கவும்.
டீ , காபி, பால்,சர்க்கரை,சர்க்கரை கலந்த இனிப்புகள்,பதப்படுத்தப்பட்ட உணவுகள், டின்களில்,பாட்டில்களில் கிடைக்கும்.குளிர்பானங்கள்,மாமிச உணவுகள் போன்றவற்றைத்தவிர்கவும்.
தினம் முப்பது நிமிடங்கள் தங்கள் உடல் நிலையைப் பொறுத்து உடலில் உள்ள எல்லா உறுப்புகளுக்கும் இயக்கம் கொடுக்கும் வகையில்,காலை,மாலை எளிய உடற்பயிற்சிகளை செய்யுங்கள் காலணி இல்லாமல்,இயன்றவரை வேகமாக நடக்கலாம்.மெல்லோட்டம்,நூறு முறை கயிராட்டம்,இருபது முறை நன்றாக உட்கார்ந்து எழுதல்.இருபது முறை கால் மடக்காமல் குனிந்து நிமிர்தல்.கண் பயிற்சி,மூச்சுப்பயிற்சி,நீந்துதல்,சைக்கிள் ஒட்டுதல்,கைவிரல்களால் கால் பாதங்களையும்,கால் விரல்களையும் அழுத்தி விடுதல் போன்றவற்றை செய்யலாம்.

சர்க்கரை நோயில் உணவுக் கட்டுப்பாடு அவசியம் என்ன?

2009-01-16T07:11:00.000-08:00

உடற்ப்பயிற்சி செய்யிறீங்க .ஆனா அது மட்டும் போதாது.உணவுக் கட்டுப்பாடும் அவசியம்.இதற்க்கு உணவுத் திட்டமிடல் அவசியம். கண்டிப்பாக காபி ,டீயில்,சர்க்கரை வேண்டாம். இனிப்பு வகைகளைத் தவிர்க்க வேண்டும்.அதற்காக எல்லாவற்றையும் ஒதுக்கிவிடாமல்,அனைத்துவித ஊட்டச்சத்தையும் கொண்ட ஆரோக்கியமான உணவு முறை கட்டாயம் கடைப்பிடிக்க வேண்டும்.குறிப்பாக புரதம்,கார்போஹைட்ரேட்,குறிப்பா நார்ச்சத்து நிறைந்த உணவுகளை தினமும் சேர்த்துக்கொள்ள வேண்டும். இட்லி, எண்ணெய் குறைவான தோசை ,அளவான சாதம், சப்பாத்தி, சுண்டல் உள்ளிட்ட தானிய வகைகள் ,பச்சைக் காய்கறிகள் எனத் திட்டமிட்டு சாப்பிட்டால் நீங்க நூறென்ன நூத்தம்ம்பது வருஷம் வாழ முடியும்.

நாவல் பழம்

2009-01-16T07:02:00.000-08:00

நாவல் பழ சீசன் வந்தால் நல்லா நிறையா சாப்பிடுங்க. அதோட கொட்டைய தூர எறியாமல் நிழலில் உலர்த்தி பொடி பண்ணி பத்திரப்படுத்தி வச்சுக்கோங்க.இந்தப் பொடியை டீதூளுக்கு மாற்றாக உபயோகப் படுத்தினா ரத்த சர்க்கரைக்கு சூப்பரா கேக்கும்.
இது நீரழிவு, மாதவிடாய் தொந்தரவு, பல் ஈறுகளில் ரத்தம் ,வாய் துர்நாற்றம் இதுக்கு ரொம்ப நல்லது.வாய்ப்புண் சரியாகும். கண்டிப்பா சாப்பிடுங்க.

கொய்யாப் பழம்

2009-01-16T06:51:00.000-08:00

ஒரு முக்கியமான விசயத்தைச் சொல்ல மறந்துட்டேன். சர்க்கரை நோய் எனக்கு வந்தபின்னாடி , மலச்சிக்கல் வந்து விட்டது. நான் அந்த மாதிரி சிக்கல் நேரும்போது தவறாமல் கொய்யாப் பழம் சாப்பிடுவேன் , மறுநாள் காலை சும்மா இலகுவாக கழியும். ஒரு சிலர் பல் இடுக்குகளில் சிக்கும் அந்தக் கொட்டைகளை நினைத்தே , கொய்யாப் பழம் சாப்பிடுவதை தவிர்ப்பார்கள். இதோ உங்களுக்காக ஒரு சின்ன யோசனை.
கொய்யாப் பழத்தை துருவி மத்தால் பிசைந்து தேவையான அளவு சீரகம் ,மிளகுத்தூள் சேர்த்து இன்னும் சுவை வேண்டும் என நினைத்தால் இனிப்பூட்டியையும் கலந்து மறக்காமல் தேவையான அளவு தண்ணீர் கலந்து ஜூஸ் மாதிரி சாப்பிடுங்கள்.
கால்சியம்,வைட்டமின் சி , சத்து நிறைந்தது. மலச்சிக்கல் ஓடிப்போகும்.

வெந்தயக்கீரை - முளைப்பயறு சாலட்

2009-01-14T09:09:00.000-08:00

வெந்தயக்கீரை-ஒரு கப்
முளைவிட்ட பச்சைப் பயறு-அரை கப்
துருவிய முள்ளங்கி-அரை கப்
தக்காளி-அரை கப்
எலுமிச்சை ரசம்-ஒரு ஸ்பூன்
உப்பு-ருசிக்கேற்ப
துருவிய தேங்காய்-மூன்று,நான்கு ஸ்பூன்
தாளிக்க பெருங்காயம்,கடுகு
பச்சை மிளகாய் தேவையானது.
செய்முறை:
எல்லாப் பொருட்களையும் ஒன்றாகக் கலக்கவும்.துருவிய தேங்காய், எலுமிச்சை ஜூஸ் , உப்பு ஆகியவற்றை சேர்க்கவும். சில நிமிடங்களுக்கு தனியே வைக்கவும். பரிமாறும் முன் கடுகு, பெருங்காயம், பச்சைமிளகாய், போட்டு தாளிக்கவும். இறுதியாக நறுக்கிய கொத்துமல்லித் தழையை தூவவும்.
இதிலுள்ள கலோரி -65

சர்க்கரை நோயாளிகளுக்கான உணவு

2009-01-14T08:54:00.000-08:00

அரிசி-அரை கப்
வெந்தயக்கீரை-3 கட்டு
எண்ணெய்-2 டீஸ்பூன்
மசாலாப் பொடி-தனியா அரை டீஸ்பூன்
சிவப்பு மிளகாய் -3-5
பட்டை-3 துண்டு
கடலைப் பருப்பு-கால் டீஸ்பூன்
உளுத்தம்பருப்பு-கால் டீஸ்பூன்
உலர்ந்த கொப்பரை-ஒரு டீஸ்பூன்(எண்ணையின்றி வறுத்து பொடியாக்கவும்)
எலுமிச்சை ஜூஸ்-ஒரு ஸ்பூன்
உப்பு-ருசிக்கேற்ப
இனிப்பூட்டி-தேவையானது
செய்முறை:
உதிர் உதிராக வரும்படி சாதத்தை தயாரிக்கவும்.வெந்தயக்கீரையை சிறு துண்டாக நறுக்கி வதக்கவும்.அதில் சிறிதளவு தண்ணீர், உப்பு சேர்க்கவும்.மிருதுவாக வரும் வரை வேகவிடவும்.சமதளமான அடிபாகம் உடைய தட்டில் சாதத்தை போட்டு ஆறவிடவும். எல்லா மசாலாப் பொடி ,வேகவைத்த வெந்தயக்கீரை, உப்பு , எலுமிச்சை ஜூஸ், துருவிய தேங்காய் எல்லாவற்றையும் போட்டு நன்றாகக் கிளறவும்.
தேவையானால் இனிப்பூட்டி சேர்க்கலாம்.
இதிலுள்ள கலோரி -210

வெந்தயம்

2009-01-14T08:44:00.000-08:00

வெந்தயத்தை முதல் நாள் ஊறவைத்து அதை மறுநாள் காலையில் ஒரு மெல்லிய சுத்தமான துணியில் கட்டி ,காற்றும், வெளிச்சமும் படும்படியாகத் தொங்க விடவேண்டும்.துணி காயாமல் இருக்க அடிக்கடி, துணியை தண்ணீரால் நனைக்கவும்.அதற்க்கு மறுநாள் வெந்தயம் நன்றாக வேர்விட்டு முளைத்திருக்கும். இதைக் காயப்போட்டு பவுடர் செய்து கொண்டு,இந்தப் பொடியை சாம்பார் தயாரிக்க உபயோகிக்கலாம். தினமும் ஒரு டீஸ்பூன் வெந்தயத்தூளை காலையிலும் , மாலையிலும் சாப்பிட்டு வந்தால் சூடு சம்பத்தப்பட்ட எல்லா நோய்களும் மறையும். வயிற்று வலி குணமாகும் .இது இரும்புச்சத்து நிறைந்த டானிக்.இதை எந்த இலைப் பொடிகளுடனும் கலந்து சாப்பிடலாம்.சர்க்கரை நோயாளிகளுக்கு இது ரொம்பவும் நல்லது.

சர்க்கரை நோயை சமாளிக்க வேண்டுமா?

2009-01-11T20:01:00.000-08:00

நம்மில் பலர் ,நமக்கு சர்க்கரை வியாதி இருக்கிறதா என்று தெரியாமலேயே அதை அதிகப்படுத்திக் கொண்டிருக்கிறோம்.உடம்புக்கு வேறு எதாவது காரணமாக டாக்டரிடம் செல்ல நேரிட்டு ,டெஸ்ட் செய்து பார்க்கும் போது தான் தனக்கு இந்த கொடிய நோய் இருப்பதை தெரிய வருகிறது.
அது மட்டுமல்ல , விரைவிலேயே சர்க்கரை நோய் வரலாம் என்கிற ஆபத்தான நிலை ஒன்றும் உள்ளது. இது தெரிந்து கொண்டால் தான், நாம் நமது உணவுப் பழக்க வழக்கங்கள் மூலம் இந்த நோய் வராமலேயே தடுத்து கொள்ள முடியும்.ஆனால் இந்த விஷயமும் கூட வேறு எதாவது டெஸ்டுக்குப் போகும்போது தான் தெரிய வரும்.
சர்க்கரை நோய் வராமல் தடுத்துக் கொள்ள சில டிப்ஸ்.
மாவுச்சத்து ,கொழுப்புச்சத்து நிறைந்த உணவுகளைக் குறைத்து நார்ச்சத்து நிறைந்த உணவுப் பொருள்களான காய்கறிகள்,கீரைகள்,பருப்புகள் மற்றும் பயறு வகைகளை அதிகம் சேர்த்துக் கொள்ள வேண்டும்.குறிப்பாக அவரை,பீன்ஸ் ,போன்ற அத்தனை காய்கறிகள் கொய்யா,நெல்லி,பப்பாளி, கொடை ஆரஞ்சு, தர்பூசணி போன்ற பழங்கள், முளைக்க வைத்த பயறுகள், சர்க்கரை நோய் இருப்பவர்களும், தடுக்க நினைப்பவர்களுக்கும் நல்லது.
ஒரு நாளைக்கு மூன்று வேலை உண்ணும் உணவை ,ஐந்து வேளையாக உண்பது சிறந்தது.
மன உளைச்சல் என்பது கட்டாயம் தவிர்க்க வேண்டிய ஒன்று. எனக்கு இந்த நோய் வந்ததே இந்த மன உளைச்சல் தான் காரணம்.அந்த மாதிரி நேரத்தில் அமைதியாக மெல்லிய இதமான பாடல்களைக் கேளுங்கள்.
உடற்பயிற்சி
இதைப்பற்றி உங்கள் டாக்டரிடம் நீங்கள் கட்டாயம் ஆலோசனை செய்யுங்கள். ஆரம்பத்தில்,கொஞ்சமாக ஆரம்பித்து, தவறாமல் செய்யவும்.மிதமான ஓட்டம்,நீச்சல்,போன்ற திட்டமான விளையாட்டுக்களில் பங்கெடுத்துக் கொள்ளவும்.
இன்னொரு முக்கியமான விஷயம், நீங்கள் தாழ்நிலை சர்க்கரை பற்றி தெரிந்து வைத்திருப்பது கட்டாயம்.அதன் அறிகுறிகள் என்னென்ன என்று தெரிந்து வைத்திருப்பது அவசியம்.உங்களுடைய நண்பரிடமும், உறவினரிடமும் தாழ்நிலை சர்க்கரை பற்றி சொல்லி வைப்பது நல்லது.
வெறும் வயிற்றில் உடற்பயிற்சி செய்வது கூடாது. இன்சுலின் போட்டுக் கொண்ட உடனேயே உடற்பயிற்சி செய்வதைத் தவிர்க்க வேண்டும். ரதத்தில் சர்க்கரை அளவு அதிகமாக இருக்கும் போதும் செய்யக்கூடாது.சர்க்கரை நோய் கட்டுக்குள் இல்லாத போதும் உடற்பயிற்சி செய்யக்கூடாது.

சர்க்கரை நோய் வந்து விட்டால் அதன் விளைவுகளைத் தவிர்ப்பது எப்படி?

2009-01-10T23:27:00.000-08:00

சர்க்கரை நோய் காரணமாக ஓசையின்றி சிறுநீரகங்கள்,இதயம்,கண்கள்,கால்நரம்புகள்,ஆகியவை பாதிக்கப்படலாம்.எனவே, சர்க்கரை நோய் இருப்பது தெரிந்தவுடன் ஆண்டுக்கு ஒரு முறை முழுமையான சர்க்கரை நோய்ப் பரிசோதனை செய்து கொள்வது அவசியம்.கண்டிப்பாக சர்க்கரை நோய் மனித உடலை சீர்குலைக்கும் ,மனித உடலை இற்றுப்போக செய்யும் ஒரு கொடிய வியாதி என்பதி சிறிதும் சந்தேகம் வேண்டாம்.

சர்க்கரை நோயை ஆரம்பத்திலேயே கண்டறிவதன் சாதக அம்சம் என்ன?

2009-01-10T23:16:00.000-08:00

ஒருவருக்கு ரத்த சர்க்கரை அளவைப் பரிசோதனை செய்யும் நிலையில், இயல்பானதைவிட சற்று அதிகம் உள்ள நிலையில் அதை எளிதில் கட்டுப்பாட்டுக்குள் கொண்டு வந்து விட முடியும்.
சர்க்கரை நோய் மருத்துவத்தில் இந்த நிலைக்கு (impaired glucose tolerance) என்று பெயர்.இவர்கள் 'சர்க்கரை நோய்' என்ற நிலையை எட்டாமல், நோய் வருவதற்கு உரிய காலத்தைத் தள்ளி போட முடியும்.உடல் எடை அதிகமாக இருந்தால், அதை உடனே குறைத்தல். உணவுக் கட்டுப்பாடு, தினமும் வாக்கிங்,மன அழுத்தத்தை குறைக்கும் முயற்சி, யோகா,தியானம் போன்றவற்றின் மூலம் நோயைத் தவிர்க்க அல்லது தள்ளிப்போட முடியும்.

இன்சுலின் என்றால் என்ன?

2009-01-10T23:11:00.000-08:00

இன்சுலின் என்பது கணையத்தில் உற்பத்தியாகி, ரத்த ஓட்டத்தில் கலக்கும் முக்கிய ஹார்மோன் ஆகும்.இது ரத்தத்தில் சர்க்கரையோடு கலந்து மனிதர்கள் செயல்படுவதற்க்குத் தேவையான ஆற்றலை கொடுக்கிறது. இன்சுலின் பற்றாக்குறை ஏற்படும் நிலையில்,ரத்த சர்க்கரை அளவு அதிகரிக்கிறது . விளைவு "தீர்வில்லா சர்க்கரை நோய்"

நீரிழிவு நோய் வந்தபின் தோன்றும் பொதுவான அறிகுறிகள் என்ன?

2009-01-10T22:58:00.000-08:00

அடிக்கடி சிறுநீர் பிரிதல்
சிறுநீர் கழித்தவுடன் கை, கால் மூட்டுக்களில் வலி ஏற்படுதல்
வியர்வையில் கற்றாழை நாற்றம் உண்டாகுதல்.
உடலில் அதிக வியர்வை உண்டாகுதல்
சிறுநீரில் ஈ , எறும்பு மொய்த்தல்
அடிக்கடி தாகம், பசி எடுத்தல்
தலை சுற்றல்,கண்பார்வை மங்குதல்,கண் எரிச்சல் காணுதல்.
உறவு வேற்கை அதிகரித்தல்.
உயிர்த்துளி நீர்த்துப் போதல், ஆண்மைக் குறைவு ஏற்படுதல்
உடலில் காயம்பட்டால் புண் ஆறாதிருத்தல்

நீரிழிவு வருவதற்கான அறிகுறிகள் என்ன?

2009-01-10T22:50:00.000-08:00

நோய் தோன்றுவதற்கான முதற்காரணியாக உடலின் எடை கூடிக்கொண்டே போகும் .
நீர்புழை அகன்று ,சிறுநீர் பெருகும் .
சுக்கிலம் எனப்படும் விந்து கெட்டு,உடலின் ஒலி குறையும்.
அடிக்கடி நா வறண்டு போதல்,தாகம் ஏற்படுதல்.
வயிற்றினுள் காற்று புகுந்து ,வயிறு புடைத்து,வாயுத் தொல்லை உண்டாகும்.
சிறுநீருடன், விந்து வீணாகி ,உடல் நஷ்டம் உண்டாகும்.
படுக்கையில் தூக்கமின்மை உண்டாகும்.
உடலில் கழலைகள்,கட்டிகள் உண்டாகும்.
சிறிது தூரம் நடந்தாலும் ,பெருமூச்சு வாங்கும்.
அடிக்கடி கழிச்சல்
குடலில் கிருமிகள் சேருதல்
காச நோய் முற்றிய நிலையிலும் சர்க்கரை நோய் உண்டாகும்.

நீரிழிவு நோயா கவலைப் படாதீர்கள் ....

2009-01-10T20:55:00.000-08:00

என்னுடைய விருப்பமெல்லாம் சர்க்கரை நோய் பற்றின முழுத் தகவல்களை ,நான் தெரிந்து கொண்டவரை உங்களோடு பகிர்ந்து கொள்ள வேண்டும் , அதோடு நீங்கள் பலமிக்க தமிழ் சந்ததிகளை உருவாக்க வேண்டும் என்பதே...
நீங்களும் நூறாண்டு காலம் வாழ முடியும் . இதோ உங்களுக்கான சில தகவல்கள்.
நம் நாட்டு விருந்தோம்பலும், உணவு முறைகளும் நாகரீக மாற்றத்தால் சிதைந்து, மேற்கத்திய உணவு முறைகளுக்கு அடிமைப்பட்டு , நாம் பெற்றுக் கொண்டது பற்பல புதிய வியாதிகளை மட்டுமே.
உங்களுக்குத் தெரியுமா ? இன்னும் 10 அல்லது 20 வருடங்களுக்குப் பின்னால் 50 முதல் 60 விழுக்காடு நீரிழிவு நோயால் பாதிக்கப்படும் சூழ்நிலை நம் நாடு சந்தித்து அதனால் மிகப் பெரிய பொருளாதார நெருக்கடி ஏற்படும் என்று ஒரு ஆய்வு தெரிவிக்கிறது .
காரணம் உழைப்பின்மை ,தவறான உணவுப் பழக்கம், தமிழ் வாழ்வியலுக்கு மாற்றமான வாழ்க்கை, நவீன மயம் நீரிழிவு நோய்க்கு காரணமாக அமைகிறது.
அகத்தியர் 1200 என்கிற பழம்பெரும் சித்தர் நூல் நோய் வரும் வழி என்று பின் வருமாறு கூறியுள்ளது.

"கோதையர் கலவி போதை
கொழுத்த மீனிறைச்சி போதை
பாது வாய் நெய்யும் பாலும்
பணிவுடன் உண்பீராகில்
சோத பாண்டுருவ மிக்க
சுக்கில பிரமேகந்தான்
ஒது நீரழிவு சேர
உண்டென வறிந்து கொள்ளே "
அதாவது ..........
அடிக்கடி போகத்தில் ஈடுபடுதல்,
நெய்,இனிப்பு சுவையுள்ள பொருள்களை அதிக அளவில் உண்ணுதல்,
பால், மீன்,கருவாடு,கோழி,ஆட்டிறைச்சி,மாட்டிறைச்சி,போன்றவற்றை அடிக்கடி அதிகளவில் உண்ணுதல்,
வேகாத பொருள்,வடை, போண்டா,பஜ்ஜி,பூரி போன்ற மந்தப் பொருள்களை அதிக அளவில் உட்கொள்ளல் ,
வயிறு நிறைய உண்டதும் புணர்ச்சியில் ஈடுபடுதல்,
தொடர்ந்து தூக்கமின்மை போன்ற காரணங்களால் நீரிழிவு ஏற்படுகிறது என்று இந்தப் பாடல் மூலமாக நம் முன்னோர் நமக்கு உணர்த்தியுள்ளனர்.
இந்த நோயை சர்க்கரை நோய், மேக நீர், நீரினைப் பெருக்கல் நோய், வெகு மூத்திரம்,நீரிழிவு,பிரமேகம்,இனிப்பு நீர்,மது மேகம் என்று பலவேறு பெயர்களில் அழைக்கப்படுகிறது .